Inoltrar contribuziuns

L’invit da far propostas da contribuziuns sa drizza a tut las persunas d’instrucziun ed a tut ils scienziads e tut las scienziadas che s’occupan da la furmaziun da linguas estras e da la didactica da linguas estras e dal plurilinguissem, sco era a tut la persunas interessadas che lavuran en la furmaziun.

Las propostas pon variar tranter experientschas praticas (didacticas ed/u organisatoricas), projects scientifics (qualitativs e/u quantitativs) e cas concrets.

Per inoltrar ina proposta ston ins l’emprim s’annunziar en il sistem da gestiun da la conferenza, quai cun endrizzar in agen account. Latiers ston ins inditgar las datas persunalas ed ina adressa da mail valaivla sin:

» http://www.plurilinguismo2018register.supsi.ch/

Silsuenter survegnis vus in num d’utilisader ed in pled clav. Sch’ins s’annunzia en il sistem pon ins inoltrar ina u pliras propostas en il dus formats fixads.

Contribuziuns individualas: Per contribuziuns individualas al convegno vegni pretendì d’inoltrar ina resumaziun da max. 500 pleds, exclus bibliografia, nua ch’il suandant è inditgà: titel, tip dal studi / da l’experientscha e sias finamiras, context dal studi / da l’experientscha, propostas per ina soluziun u resumaziun dals resultats / da las datas rimnadas. Las propostas pon vegnir scrittas per talian, franzos u tudestg. La lingua da preschentaziun correspunda a la lingua da la resumaziun.

» Model contribuziun individuala

Simposis: Las resumaziuns (max. 500 pleds, exclus bibliografia) da las contribuziuns individualas che vegnan preschentadas al simposi ston esser accumpagnadas d’ina curta descripziun dal tema e da las finamiras dal simposi (max. 250 pleds).

» Model Simposi