Infurmaziuns generalas

Locarno

Locarno ha tant in flair da lai, sco er in flair alpin. L’atmosfera pittoresca e l’istorgia ritga è caracteristica per la citad al Lago Maggiore. Ses cor è la Piazza Grande, renumada per il festival da film annual. Las giassas stretgas dal center istoric mainan tuttas a la Piazza.
Il quartier da la citad veglia porscha surpraisas ed interessantas scuvertas. Quai grazia als bajetgs, las baselgias, il chastè Visconti e las giassas stretgas che laschan enavos in zichel pasch e quietezza.

Arriv cun il tren / bus

Locarno è cuntanschibel da Milaun e Turitg en circa 2 uras.
Dal nord è Locarno cuntanschibel cun la lingia da viafier internaziunala Basilea-Milaun u Turitg-Milaun.
Dal sid pon ins cuntanscher Locarno cun la lingia da viafier da Milano-Centrale via Como. Da la staziun principala da Locarno pon ins ir cun il bus nr. 1 (direcziun Ascona) u cun il bus nr. 7 (direcziun Losone) fin a la fermada “Cinque Vie”.

» ffs.ch
» tilo.ch

Arriv cun l’auto

Prender la sortida autostrada A2 Bellinzona Sud “Lago Maggiore”, charrar vinavant en direcziun Locarno e charrar a la fin da l’autostrada tras il tunnel “Mappo Morettina”; tar la sortida suandar la direcziun Locarno, tar la gronda rundella tscherner la 5avla sortida, charrar ensi la “Via Simen” fin tar l’ampla; charrar a dretga en la “Via San Francesco” e charrar vinavant fin a la “Piazza S. Francesco”.

Arriv cun l’aviun

La plazza aviatica Lugano/Agno è cuntanschibla senza problems da mintga plazza aviatica dal mund, direct u cun stop intermediar. Da la plazza aviatica Lugano/Agno è Locarno cuntanschibel cun auto u cun tren. Il temp da viadi è circa 50 minutas.

Distanza da las plazzas aviaticas impurtantas:
Lugano/Agno: 40 km
Milaun/Malpensa: 110 km
Milaun/Linate: 130 km
Milaun/Bergamo: 160 km
Turitg/Kloten: 215 km

» Plazza aviatica Lugano
» Guardar charta